15 iyun 2024-cü il tarixində Polşanın Katoviç şəhərində Polşada yaşayan xaricilər arasında futbol üzrə “World Cup” həvəskar turniri keçirilmişdir. Bu haqda Polşa Azərbaycanlıları Şurasının sədri Fərdi Cəfərli saytımıza məlumat verib.
O deyib ki, Azərbaycanlılardan ibarət yığma komandamız “Land of Fire” komandası da turnirdə iştirak etmişdir: “Müxtəlif ölkələri təmsil edən komandalar təmsil etdikləri ölkələrin bayraqları və musiqi sədaları altında açılış paradı həyata keçirmişlər. Biz də Polşa Azərbaycanlıları Şurası olaraq öz növbəmizdə hər zaman olduğu kimi bu dəfə də komandamızın yanında olduq, milli atributlarımızı nümayiş etdirərək turnirin sonuna qədər komandamızı dəstəklədik.
Həmçinin Azərbaycan Respublikasının Polşa Respublikasındakı Səfrirliynin əməkdaşları da bizim dəvətimizlə komandamıza dəstək üçün qonaq qismində turnirdə iştirak etmişdir. Dəvətimizi qəbul edib gəldikləri üçün səfirliyimizin əməkdaşlarına, komandamızın üzvlərinə və komandamıza dəstək üçün gələn hər kəsə təşəkkürlərimizi bildiririk”.
