Azərbaycan Respublikasının Diasporla İş üzrə Dövlət Komitəsinin təşkilatçılığı ilə keçirilən “Konstitusiya və Suverenlik İli”nə həsr olunmuş Diaspora Gənclərinin VI Yay Düşərgəsi başa çatıb. Bu il düşərgə işğaldan azad edilmiş torpaqlarımızda – Xankəndi şəhərində təşkil olunan düşərgədə Polşa Azərbaycanlıları Şurasının idarə heyətinin üzvü Şamo Qubadov da iştirak edib.
1 həftəlik düşərgə müddətində iştirakçılar milli kimlik, diaspor fəaliyyəti və vətənpərvərlik mövzularında panel müzakirələrində yer alıb, müxtəlif mədəni və idman tədbirlərinə qatılıb. Həmçinin düşərgədə rəsmi şəxslər, görkəmli ziyalılar, tanınmış elm, mədəniyyət və incəsənət xadimləri də iştirak edib. Düşərgə musqili gecə və təltifolunma mərasimi ilə yekunlaşıb.
Düşərgədə ümumilikdə dünyanın 61 ölkəsindən 128 iştirakçı qatılıb və onların 58 nəfəri Avropa ölkələrindən olub. Düşərgədə soydaşlarımızla yanaşı Azərbaycana dost münasibəti bəsləyən xalqlardan olan gənclər də iştirak etmiştir.
Polşa Azərbaycanlıları Şurası olaraq, bu tədbiri doğma Qarabağımızda, Xankəndində keçirmək şansını bizə yaşadan şəhidlərimizin ruhu qarşısında baş əyir, qazilərimizə tez sağalmalarını arzulayır, möhtərəm cənab Prezident İlham Əliyevə və Azərbaycan əsgərinə sonsuz minnətdarlığımızı bildiririk.
Belə yüksək səviyyəli layihənin təşkilinə görə Diasporla İş üzrə Dövlət Komitəsinə, Komitə sədri cənab Fuad Muradova, Heydər Əliyev Fonduna, Xankəndində yerləşən Qarabağ Universitetinə, həmçinin tədbirin uğurla keçirilməsində əməyi olan bütün komitə əməkdaşlarına və könüllülərə təşəkkürümüzü bildiririk.
https://www.instagram.com/p/DNLvphEtgsU/?igsh=OW9obWxhYmdlbXcz
